Vengriyada o‘qish: bepul ta’lim, stipendiya va IELTS talabi haqida bilasizmi?

Chet elda o‘qish — har bir bitiruvchining eng katta orzularidan biri. Ko‘pchilik uchun esa asosiy to‘siq — moliyaviy xarajatlar. Ammo Vengriya bu muammoni hal qiluvchi, bepul ta’lim va oylik stipendiya taklif etuvchi Stipendium Hungaricum dasturi bilan ajralib turadi! 

Bilarmidingiz?
 Grant 100% bepul ta’limni ta’minlaydi.
 Talabalar kontrakt, yotoqxona va tibbiy sug‘urta uchun to‘lamaydi.
 Bundan tashqari, oylik stipendiya — 120–200 yevro miqdorida bo‘ladi.

Dastur 2013-yildan beri faoliyat yuritadi va har yili minglab xorijiy talabalarni qabul qiladi. Ariza topshirish jarayonida IELTS yoki TOEFL sertifikati talab qilinadi — odatda minimal daraja IELTS 5.5–6.0 yoki unga teng B2 daraja hisoblanadi. Ayrim universitetlar esa o‘z ichki ingliz tili testini o‘tkazadi.

Vengriyada ta’lim sifati yuqori, yashash xarajatlari esa Yevropa standartlariga qaraganda ancha past — o‘rtacha €400–€500 atrofida. Bu esa stipendiya oluvchi talabalar uchun yetarli miqdor.

Eng mashhur oliygohlar — Eötvös Loránd University, University of Debrecen, va Budapest University of Technology and Economics. Ularning diplomlari Yevropa bo‘ylab tan olinadi.

Stipendium Hungaricum — bu nafaqat grant, bu Yevropada bepul ta’lim va yangi hayot sari eshik.
Agar sen orzularing sari dadil qadam tashlamoqchi bo‘lsang, Vengriya seni kutmoqda!