SAT, GMAT va GRE: Qaysi imtihon kerak va grant yutishga qaysi biri yordam beradi?

Chet elda o‘qishni rejalayotgan talabalar uchun eng ko‘p chalkashlik tug‘diradigan mavzu — SAT, GMAT va GRE testlarining farqi va grant olishdagi roli. Har bir imtihonning maqsadi boshqacha bo‘lgani uchun, ularni to‘g‘ri tanlash talabaning qabul va stipendiya imkoniyatlariga bevosita ta’sir qiladi.

SAT — bakalavr bosqichiga kirishda eng ko‘p qo‘llaniladigan test. U matematika va akademik ingliz tilini baholaydi. 1300+ ball talaba uchun yaxshi natija sanaladi, 1400–1500 oralig‘i esa nufuzli universitetlarda grant yutish imkoniyatini ancha oshiradi. KO‘P davlat grantlari SAT balini qo‘shimcha ustunlik sifatida ko‘radi.

GMAT — MBA va biznes sohasidagi magistratura dasturlari uchun mo‘ljallangan imtihon. U analitik fikrlash, mantiq, biznes masalalarini hal qilish ko‘nikmalarini o‘lchaydi. 700+ ball elit biznes maktablarida stipendiya olish imkoniyatini sezilarli darajada oshiradi.

GRE — texnika, gumanitar, IT, iqtisod va boshqa ko‘plab magistratura yo‘nalishlari uchun mos universal test. U ingliz tili, matematika va analitik yozuvni baholaydi. 315–330 ball oralig‘idagi natijalar magistratura grantlariga kuchli ta’sir ko‘rsatadi.

Qaysi yo‘nalishga borish rejalashtirilsa, shunga yarasha test tanlanadi:

Bakalavr uchun — SAT

Biznes magistraturasi uchun — GMAT

Boshqa magistratura yo‘nalishlari uchun — GRE

Kuchli ball esa nafaqat qabulni, balki to‘liq grant yutish ehtimolini ham bir necha barobar oshiradi. Talaba qanchalik yuqori natija ko‘rsatsa, universitet tanlovida shunchalik ajralib turadi.