2025-yilda Kanadada o`qishingiz mumkin bo‘lgan eng arzon kollejlar

Kanada nafaqat oliy sifatli ta'lim, balki xalqaro talabalar uchun hamyonbop kollejlar bilan ham mashhur. 2025-yilda Kanada kollejlarida o‘qishni rejalashtirayotganlar uchun quyidagi ta'lim muassasalari eng arzon va sifatli ta'lim beruvchi o‘quv yurtlaridan hisoblanadi.

Humber College
Toronto shahrida joylashgan Humber College xalqaro talabalar uchun keng imkoniyatlar taqdim etadi. Bu kollej innovatsion dasturlari va amaliy mashg‘ulotlarga alohida e'tibor beradi. O‘quv yili davomida to‘lanadigan o‘rtacha kontrakt narxi CAD 15,000 atrofida bo‘lib, talabalar hamyonini asrashda yordam beradi.

Georgian College
Georgian College Ontariodagi eng mashhur kollejlar qatorida turadi. U o‘zining ko‘plab dasturlari bilan tanilgan bo‘lib, ayniqsa, avtomobilsozlik va sog‘liqni saqlash yo‘nalishlari bo‘yicha kuchli ta'lim beradi. Bu yerda xalqaro talabalar uchun kontrakt narxlari CAD 13,000 dan boshlanadi.

Mohawk International College
Mohawk College xalqaro talabalar uchun maxsus dasturlarni taklif etadi. Hamilton shahrida joylashgan bu kollej iqtisodiy jihatdan samarali ta'lim olish imkonini beradi. Kollejda texnologiya, biznes va sog‘liqni saqlash yo‘nalishlari bo‘yicha dasturlar mashhur bo‘lib, o‘quv yili uchun kontrakt narxi CAD 14,000 dan boshlanadi.

Niagara College
Niagara College o‘zining amaliy mashg‘ulotlarga asoslangan ta'lim tizimi bilan ajralib turadi. Bu yerda talabalar mehmondo‘stlik, turizm va biznes kabi sohalarda sifatli ta'lim olishlari mumkin. Kollej xalqaro talabalar uchun qulay sharoitlar yaratib, kontrakt narxi CAD 12,500 dan boshlanadi.