AQSHda kompyuter fanlarini o'rganish uchun eng yaxshi universitetlar

Amerikaning akademik obro‘si butun dunyoda tan olingan. Amerika universitetlari xalqaro reytinglarda har yili eng yuqori o‘rinlarda turadi va top-10 reytingidan beshta universiteti joy olgan. Shuningdek, 4,000 dan ortiq bakalavriat dasturlari mavjud bo‘lib, talabalar uchun o‘qish joylari va kurslar soni juda katta.

Vashington Davlat Universiteti

AQShning G‘arbidagi eng qadimgi universitetlardan biri bo‘lgan Vashington Davlat Universiteti milliy va xalqaro reytinglarda yuqori o‘rinlarni egallagan Kompyuter fanlari bo‘limi ikki xil bakalavriat dasturini taklif etadi. Birinchisi, faqat kompyuter fanlariga yo‘naltirilgan an'anaviy bakalavr (Bachelor of Science) darajasi. Ikkinchisi esa, Kompyuter fanlarini boshqa soha bilan birlashtirgan bakalavr (Bachelor of Arts) Bu dastur kompyuter fanlarining san'at, iqtisodiyot yoki huquq kabi amaliy sohalarda qo‘llanilishini o‘rganishga qaratilgan.

Jorjiya Davlat Universiteti

AQShning eng yirik universitetlaridan biri bo‘lib, ko‘plab ilmiy-tadqiqot markazlari faoliyat yuritadi, ularning aksariyati kompyuter fanlari va boshqa sohalar o‘rtasidagi o‘zaro bog‘liqliklarni o’rganadi. Universitet Atlanta shahrining markazida joylashgan. Bu yerda o‘qish AQSh shahar hayotini yaxshiroq o’rganish, talabalar turmush tarziga to‘liq sho‘ng‘ish yoki ikkala imkoniyatni ham birlashtirish imkonini beradi. Kompyuter fanlari Jorjiya Davlat  universitetining eng mashhur va talabgir dasturlaridan biridir.

Janubiy Dakota Davlat universiteti

O‘rta G‘arbning yetakchi universitetlaridan biri bo‘lmish Janubiy Dakota universiteti ilm-fan va muhandislik, xususan Kompyuter fanlari sohasiga alohida e’tibor qaratgani bilan mashhur. Kichik Brukings shahrida joylashgan bu oliy o‘quv yurti shahar hayotining ajralmas qismiga aylangan.Kompyuter fanlari dasturi keng qamrovli va umumiy kurs sifatida taklif etiladi. Bu, kelajakdagi kasbini hali aniqlamagan yoki shu sohada yanada chuqurroq o‘qishni rejalashtirayotgan talabalar uchun ideal tanlovdir.

Las-Vegas Nevada universiteti (LVNU)

Nevada universiteti janubiy kampusi sifatida faoliyat boshlagan (LVNU)1969-yilda mustaqil universitetga aylandi. Universitet ilmiy tadqiqotlar sohasida kuchli obro‘ga ega bo‘lib, uning ko‘plab dasturlari keng miqyosda tan olingan.Kompyuter fanlari bo‘yicha ta’lim dasturi (LVNU) uchun nisbatan yangi yo‘nalish bo‘lsa-da, tez sur’atlar bilan rivojlanmoqda. Universitet mahalliy texnologiya markazidagi davlat va xususiy sektor tashkilotlari bilan hamkorlik aloqalarini o‘rnatib, talabalar va bitiruvchilarga ish bilan ta’minlanish imkoniyatlarini yaratmoqda.

Kolorado davlat universiteti

Fort Kollinsda joylashgan Kolorado davlat universiteti ilmiy tadqiqotlar sohasida katta yutuqlarga erishgan. Xalqaro dasturlari orqali ko‘plab xalqaro talabalar Fort Kollinsda o‘qishadi, shuningdek, universitet o‘z talabalarini dunyoning turli burchaklariga yuboradi va global qiziqishlarga ega bo‘lganlar uchun turar joy imkoniyatlarini taqdim etadi. Kompyuter fanlari bo‘limi turli darajalarda ta'lim beradi. Kompyuter fanlari bakalavriati dasturidan tashqari, Sun'iy Intellekt kabi yo’nalishlarda ham dasturlar taklif etadi.