Ota-onalarning Eng Ko‘p Beradigan 7 Savoli

Bugungi kunda minglab yoshlarimiz xorijiy davlatlarda ta’lim olishni orzu qilmoqda. Ammo bu yo‘lga qadam qo‘yishda eng katta mas’uliyat – aynan ota-onalarning zimmasida. Tabiiyki, sizda ko‘plab savollar, xavotirlar va ikkilanishlar bo‘lishi mumkin.

World.uz jamoasi sifatida sizni eng ko‘p qiynayotgan savollarga aniqlik kiritamiz va bu qarorni xotirjam qabul qilishga yordam beramiz.

---

1."Farzandim yolg‘iz chet elga boradi. U yerda unga kim yordam beradi?"

Bu eng tabiiy va asosli xavotir. Farzandingiz notanish mamlakatga borayotgan ekan, sizga tinchlik kerak. Shuni ishonch bilan aytamizki:

World.uz barcha talabalarning xorijga ketishidan boshlab joylashguniga qadar to‘liq monitoring olib boradi.

Universitetlar qoshida faoliyat yurituvchi Xalqaro talabalar bo‘limi (International Office) mavjud bo‘lib, ular talabalarni kutib olish, yotoqxonaga joylashtirish, hujjat ishlari va ijtimoiy moslashishda yaqindan yordam beradi.

Yiliga bir necha marotaba bizning jamoamiz vakillari xorijiy universitetlarni bevosita borib ko‘zdan kechiradi – bu ota-onalar uchun ishonch kafolatidir.

---

2. "Viza olishda muammo chiqmaydimi? Rad etilish ehtimoli bormi?"

O‘zbekistonda viza masalasi ko‘pchilik uchun tushunarsiz va murakkab tuyuladi. Aslida esa:

To‘g‘ri hujjatlar, aniq niyat va professional tayyorgarlik bilan viza olish jarayoni oddiy va oson.

Bizning mutaxassislarimiz sizning farzandingiz nomidan individual tayyorgarlik rejasini tuzadi: hujjat topshirish, suhbat, moliyaviy hujjatlar va boshqa talablar.

World.uz orqali topshirgan talabalarimizning vizadan o‘tish ko‘rsatkichi 95% dan yuqori.

---

3. "O‘qish va yashash qancha turadi? Bizni moliyaviy tomoni qiziqtiradi."

Chet elda o‘qish deganda doim qimmat narxlar ko‘z oldimizga keladi. Lekin biz tavsiya qilayotgan mamlakatlar ichida:

Xitoy – grant asosida ta’lim, bepul yotoqxona, oylik stipendiya (800-3000 yuan).

Turkiya – yillik o‘qish narxi 2000–3000$ atrofida, yashash xarajatlari o‘rtacha 250–400$/oy.

Italiya – 100% grant dasturlari mavjud, davlat stipendiyasi (5000–7000€) beriladi.

Biz farzandingiz uchun nafaqat sifatli, balki byudjetga mos yo‘nalishlarni taklif qilamiz.

---

4. "Farzandim o‘qish bilan birga ishlay oladimi?"

Ha, ko‘pchilik davlatlar xorijiy talabalar uchun ishlashga ruxsat beradi:

Italiya – haftasiga 20 soat, ta’til paytida to‘liq ish.

Germaniya – yiliga 120 ish kuni.

Kanada, Malayziya, Polsha kabi davlatlarda ham talabalarga qisqa muddatli ruxsatlar mavjud.

Talaba o‘qish davomida nafaqat tajriba, balki qo‘shimcha daromad ham topa oladi.

---

5. "Tilni bilmasa qanday o‘qiydi? Kursga borish kerakmi?"

Chet elda o‘qish uchun, albatta, til bilish muhim. Ammo:

Ingliz tili bilmaydigan talabalar uchun foundation (tayyorlov) kurslari mavjud.

Darslar ingliz yoki mahalliy til (masalan, xitoy, turk)da olib boriladi – biz esa mos yo‘nalishni tanlashda yordam beramiz.

Shuningdek, bizda IELTS/CEFR tayyorlov kurslari mavjud.

---

6. "O‘qigan universitetining diplomi O‘zbekistonda tan olinadimi?"

Ha, biz tavsiya qiladigan barcha universitetlar:

Xalqaro akkreditatsiyaga ega;

QS va THE reytinglarida mavjud;

O‘zbekiston Respublikasi tomonidan tan olinadi va nostrifikatsiya qilish imkoniyati mavjud.

Shu sababli, diplom farzandingiz uchun butun dunyoda eshiklarni ochadi.

---

7. "Agar biror muammo bo‘lsa, kimga murojaat qilamiz?"

World.uz – sizning farzandingiz chet elga ketganidan keyin ham aloqani uzmaydigan, mas’uliyatli hamkoringiz:

Ota-onalarga kerakli kontaktlar va joylashuv bo‘yicha to‘liq ma’lumot taqdim etiladi.

Talabaning holati muntazam ravishda kuzatib boriladi.

Har qanday holatda biz bilan bevosita bog‘lanishingiz mumkin.

---

Xulosa:

Farzandingizning orzusi – sizning ishonchingiz bilan boshlanadi. World.uz jamoasi bu yo‘lda sizga har qadamda yordam beradi: hujjatlar, universitet tanlash, viza olish va xorijdagi hayotga tayyorlanish.

Siz yolg‘iz emassiz – biz siz bilanmiz!