Arzon va sifatli ta'limni taklif qiluvchi 5 mamlakat

Bugungi kunda chet elda sifatli ta’lim olish ko’pchilikning orzusi, lekin bu katta xarajatlarni talab qiladi. Ammo, xulosa berishga shoshilmang, dunyoda sifat va hamyonbop narxni uyg’unlashtirgan mamlakatlar talaygina. Quyida ular bilan tanishishingiz mumkin.

Germaniya- ko’plab grand dasturlarini taklif etuvchi mamlakatlardan biri.

Yashash xarajatlari oyiga €850-€1,000. Bu miqdor ijara, sayohat xarajatlari, oziq-ovqat, kiyim-kechak, o‘quv materiallari, sog‘liqni saqlash sug‘urtasi, telefon, Internet, radio va televizion litsenziya to‘lovlari, shuningdek, dam olish faoliyatlarini o‘z ichiga oladi. Ta’lim sifati yuqori bo’lib, ko‘plab ingliz tilidagi dasturlar mavjud, “Berlin International (BAU)”, “Mannheim universiteti” shular jumlasidandir.

Turkiya-Davlat universitetlarida ta’lim yiliga $300-$1,500 atrofida. Yashash xarajatlarii oyiga $400-$700. Shuningdek, Turkiya hukumati har yili ko‘plab stipendiyalar taklif qiladi, bu stipendiyalar to‘liq o‘qish va yashash xarajatlarini qoplashga yordam beradi. Talabalar uchun “Yalova davlat Universiteti”, “Arel Universiteti” va “Karabuk Universitetlari” sifatli ta’lim va hamyonbop narxlarni taklif etadi.

Janubiy Korea- Oliy ta'lim tizimi jahon miqyosida yuqori reytinglarga ega va talabalar uchun zamonaviy va ilmiy imkoniyatlar taqdim etadi. Ta’lim dasturlari yiliga $3,000 dan $15,000 gacha, INHA Universiteti, Incheon Milliy Universiteti va boshqa universitetlarda ham dasturga ko’ra narxlar o’zgaradi. Yashash xarajatlari o‘rtacha oyiga $400 dan $1,200 gacha (Seul va boshqa shaharlarga qarab)

Chexiya- Chex tilida o‘qish bepul, ingliz tilidagi dasturlar esa qolgan mamlakatlarga nisbatan ancha arzon. Yashash xarajatlari oyiga €500-€1000. Chexiya universitetlarida ko‘plab xalqaro talabalar ta'lim oladi, bu esa talabalar uchun global tarmoq yaratishga yordam beradi. Bugungi kunda ko’plab yoshlar til o’rganish maqsadida Praga Tillar Institutini afzal ko’rishadi.

Malayziyada bir nechta xalqaro tan olingan oliygohlar bo’lib, ta'lim xarajatlari yiliga $2,000-$4,000. Yashash xarajatlari oyiga $400-$1000 atrofida.